153+ Pawòl kadanse nou, mo majic, pawòl lanmou ak sajès, pou ou lè w bezwen

Onè: Kadanse Nou Se Mouvman Konsyans Nou > Pawòl Kadanse Nou  ekri pa  Turenne Joseph (Tilarenn)

Pawòl kadanse nou se pawòl lanmou ak sajès, mo majic énèji lavi nou pou byennèt ak lafòm total nou.

Se mèt kò ki veye kò

Ak pasyans, n'ap rive jwenn tete foumi
 ~  pwovèb kreyol


Mache epi chemen va louvri
 ~  Pwovèb Zen


Pa blye, solèy la malgre li konn wout la, sa pran'l tout yon jounen pou'l rive janbe syèl
~  Serge Madhère

...Danse Sa ban nou kouray... sa ban nou fòs, sa fè nou byen...
 ~ Les danseuses de Port-au-Prince

Tan difisil mande pou mare ren pou nou danse pi rèd  
~  Alice Walker

...Kadans a péyi-la...
Sé li ka chayé mwen 
Sé sa ka brilé mwen 
Sé li ka ay menné nou pli wo...
Tam pi tam tam pi tam tanbou ké woulé...
  ~  SOFT 

Isit la, nou viv pawòl lanmou ak pwisans sajès pou kè, kò, tèt, lespri ak nanm nou.

Pawòl kadanse nou ofri moman majik, pwovèb, eksperyans, lide ak obsèvasyon moun tout kote, tout metye, tout selebrite ak tout koulè, toupatou nan lemonn, toujou nan bon moman pou ou.

Se eksperyans pou enspire nou epi ban nou plis fòs. Yo fè nou byen ak senp verite yo, sètoblije finès yo.

Mete w alèz pou w resevwa epi pataje chalè bèl vibrasyon moun pa milye ak milyon toupatou sou latè ak tout kè ak kò nou.

Imajine w…

Pawòl kadanse nou selon otè a



Paj sa a se kontinwyte pawòl kadanse nou ki achive sou seksyon kadans pawòl sajès / citations de danses / dance quotes  nan artpreneuredancegifts.com

Imajine vibrasyon enèji tout pawòl kadanse sa yo nan tout kè ak kò nou

Pawòl kadanse nou se pawòl kadans enèji lavi nou pou byennèt kò fizik nou, estim ak konkèt tèt nou, aksyon nou, reyalizasyon nou, pozisyon nou pou anviwònman nou epi menm kase kòn anpil patoloji ak estrès, depresyon, epsikoz epi fatig ak epwizman moral.

Pran tout savè chak mo.

Apresye kijan pawòl kadanse nou ede nou pran rasin alòske y ap elve nou, pou favorize ekilib ak amoni kè, kò, tèt, lespri ak nanm nou.

Fòs rit mo yo fòme melodi enèji fondamantal bon konprann nou.

Pèmèt ou angaje w nan chalè ak maji chak pawòl kadanse epi pran enspirasyon pou kadanse tout fòs pozitif enèji lavi alawonnbadè.



*♥ Lyen yo rale referans nan lang kreyòl osnon nan lang ki pi aksesib lè nou pa jwenn kreyòl la

Pawòl kadanse kilti Afrik

Amel Tafsout

Kadanse nou se koneksyon lavi ak lanati, kote fanm se lanati, nonm se lezòm
 ~   Amel Tafsout

Amel Tafsout fèt nan peyi Aljeri kote li grandi ak tradisyon mizik epi kadans peyi a. Amel  kadanse tradisyon Afrik Dinò ak Maghrèb kontanporen depi plis pase 40 lane.  Antropoloji ak espirityalite pran esans nan  pèfòmans li epi travay li kòm dansè, koregraf ak mèt. *

Wangari Maathai

Kilti montre kilés nou ye epi kijan nou wè tèt nou. Yon vizyon tounèf pou lanati bay espas yon vizyon tounèf pou kilti ak wòl li jwe nan devlopman ki djanm pou tout jenerasyon
~  Wangari Maathai

Wangari Maathai fèt nan peyi Kenya. Li resevwa onè Pri Nobel Lapè nan ane 2004. Li se yon kokenn aktivis ki kòmanse defann dwa pèp Kenya sitou dwa fanm nan plante pye bwa pou revitalize lanati, pa ekstansyon ede kominote li ak tout peyi a deplwaye prezans total ak tout kapasite yo. *

Pawòl kadanse kilti Afriken ameriken

Alice Walker

Tan difisil mande pou mare ren danse pi rèd  
~  Alice Walker

Alicia Graf Mack

diferans ant yon atlèt ak yon dansè,
se ke nou se atis tou...
 ~  Alicia Graf Mack | dansès,  Alvin Ailey American Dance Theatre

Chuck Davis

Pou konprann kilti li, etidye jan li kadanse. Pou konprann kadanse l, etidye pèp la.
 ~  Chuck Davis | dansè,  koregraph, African American Dance Ensemble

Maya Angelou

Ou ka ekri, desann mwen nan listwa ak manti kòde anmè kou fièl. Ou ka foule'm nan fon tè. Toujou, menm jan ak pousyè, mwen leve... 
~   Maya Angelou | Still I Rise

degaje se inpòtan, depasman se elegans
~  Maya Angelou  | Just Do Right

Yon fanm an akò ak lespri l, se tankou larivyè k ap desann... li pran chemen l san pretensyon epi li rive kote pou li rive, pare pou li mèt tèt li, sankondisyon
~  Maya Angelou  | Just Do Right

Tout bagay nan linivè gen kadans. Tout danse. 
~  Maya Angelou  | Just Do Right

Rolanda Allaha Wilkins

Nanm mwen bezwen danse pou l viv 
 ~  RoLanda Allaha Wilkins 

The Baron Son

Pèsepsyon yon moun se reyalite l 
 ~  The Baron Son

Pawòl kadanse kilti Amerik dinò

Anna Halprin

Kòm nou touche sous sajès kò nou ak ekspresyon nou nan kreye atizay, nou danse renouvèlman, rekreyasyon ak gerizon tèt nou epi lemonn 
 ~  Anna Halprin | dansè / koregraf 

Bob Dylan

Moun ki pa ka renouvle nesans li ap pare lanmò li 
 ~  Bob Dylan | mizisyen

Elizabeth Gilbert

Sispann mete zo rèl dezirad kote zo rèl do nou dwe djanm
 ~  Elizabeth Gilbert  |  Eat, Pray, Love 

Kairos Alive

Li difisil pou w rete kole lè ou anmouvman
~  Kairos Alive (Kairos Dancing Heart / Choreography of Care)

Perfect School

Kadans nou se nanm nou k ap deplase ak kò nou. Mouvman lakòz panse sikile epi pran fòs!
 ~  Perfect School 

Souverains Anonymes

san nou koule pou fè zot yo konprann ki lès nou ye... ki sa nou pese... nou fè sila ki te anba kòd pran chemen libète...
~    Renèl Souverains Anonymes | video - 17:26)

Pawòl kadanse kilti Amerik disid

Rolando Toro

danse aktive santiman fòs lavi k ap ponpe nan venn nou 
~  Rolando Toro, à l'origine de la Biodanza

Pawòl kadanse kilti Aziatik

Pwovèb Zen

Mache epi chemen va louvri
~  Pwovèb Zen

Pawòl kadanse kilti Endijèn

Heremoana Maamaatuaiiahutapu

Figu nou ak lang nou pa menm, men lè w ap danse ou gen menm lè ak pèp mwen 
 ~  Heremoana Maamaatuaiiahutapu (Polinezi kilti)

Lakota Prayer

Gran Mistè, aprann mwen fè kè m konfyans, fè entwisyon m ak kò m ak benediksyon lespri m konfyans. Anseye m gen konfyans nan bagay sa yo pou mwen ka antre nan espas sakre m epi renmen depase lakrentif. Konsa, pou mwen mache ak ekilib ak laglwa chak leve soley.
~  Lakota Prayer

Pawòl kadanse kilti Endyen

Osho

Kreyativite se pi gran rebelyon nan egzistans
~  OSHO

Shannon Thunderbird

Tanbou se batman Kè limanite  
~  Shannon Thunderbird

Rumi

Danse, se lè ou chiré kè w deyò epi... sòti kò w pou kwoke l nan tout dimansyon lemonn 
~  Rumi 

Pawòl kadanse kilti Ewòp

Albert Einstein

Dansè se atlèt Bondye
 ~  Albert Einstein

Daniel Pons

Pa esaye konprann geni ou, Chante Danse epi Ri an akò ak li     
~ Daniel Pons (LE FOU ET LE CRÉATEUR)

Françoise Dolto

Pran konsyans se zafè kò 
~  Françoise Dolto  |  psykyat, psykanalis (L'IMAGE INCONSCIENTE DU CORPS, éd. Seuil)

Hermann Hesse

Nan kò materyel tout moun pou kont yo, nanm nou pa janmen  
 ~  Hermann Hesse

Oscar Wilde

Ou pa ka gaspiye kreyativite, plis ou itilize li, plis ou genyen 
~   Oscar Wilde

Pablo Picasso

Chak timoun se yon atis. Pwoblèm lan se ki jan nou rete yon atis yon fwa nou grandi
~  Pablo Picasso

Platon

Yon moun ki resevwa bòn edikasyon ap ka chante epi danse bèl fason kè kontan
 ~   Platon

Remon L. Jisten

Chanjman mete lespri moun anboulvès    

fòs fasil pran tit, men tit pa bay fòs    

Chapant mantal lèzòm menm jan toupatou
 ~  Remon L. Jisten (Makyavèl : Kozman)    

Rudolf von Laban

Chak jès se yon mouvman pou defye lanmò    
~  Rudolf von Laban

Tanzarchiv Leipzig e.V.

kadans se konesans revle ak kò
 ~  Tanzarchiv Leipzig e.V.

Pawòl kadanse kilti Karayib

André Fouad

m'anvi pale, m'anvi jwe, m'anvi ponpe, m'anvi kadanse
 ~  André Fouad (Poèm : toutouni)

Yon ti farinay lapli danse nan tout kò m'... Mwen chèche rèv lèzòm... pou lavi fiti  
 ~  André Fouad (Sou wout Lapli)

Bayyinah Bello

...depi ou konn misyon w, ou ranmase l ak kouraj... lemonn antye te mèt kont ou, pa pè, kanpe, fè l
 ~  Bayyinah Bello

Deyita 

danse ponpe : kontan nètale : Djaye
 ~  Deyita (Mercedes Foucard Guignard) - KONT NAN JADEN PEYI TITOMA (Ay! Flit an Mwen)

Doumafis Lafontan

Mistè danse nan tèt
Pou w sòti nan labou
Esklizyon,
Divizyon, e
Politik pa louvri baryè
Pawòl siperyè, enferyè pa fè kò ini
Tanbou etranje pa sonnen menm jan ak tanbou ginen
Rit etranje pa danse menm jan ak rit ginen
Kò ginen se oun tanp
Li fè youn ak tanp linivè
 ~  Doumafis Lafontan (Pwezi liberasyon)

Dr Lois Wilcken

Ountògi ba mwen son mwen, e, Solèy leve...  
 ~  Dr Loïs Wilcken (omèn pou Frisner Augustin)

Edner Saint-Amour

Pawòl monte fè pil sou pil, aksyon menm zerobare nil
 ~ Edner Saint-Amour 

Emeline Michel

...Pa kite moun voye dlo sou dife w... rèv ou se manman reyalite w...
 ~  Emeline Michel, otè-entèprèt (Gade Papi)

...lavi pa rekile, fò n vanse timoun... 
 ~  Emeline Michel, otè-entèprèt (Timoun)

Emmanuel W. Védrine

W ap taye banda ban mwen... Se bon tande
 ~  Emmanuel W. Védrine (SE BON TANDE | Tanbou)

Feliks Moriso-Lewa

Tanbou rada gen yon son pou-l ba-w Lè kè nèg isit kontan vre pitit
~  Feliks Moriso-Lewa (Dyakout)    

Franketyèn

Manman tanbou gwonde bouyi, sakaye biskèt, moulen zantray, brase lestonmak, rache fyèl, limen dife nan myèl... Reveye memwa nou... Reveye nanm nou... Loray tonn kolokoto louvri dans...
 ~  Franketyèn nan Zago Loray (LISTWA PWEZI KREYÒL AYITI)

Plen mennuit nan blakawout n'ap filonnen kolye zetwal...
 ~  Franketyèn, nan Zato Loray (LISTWA PWEZI KREYÒL AYITI)

Fred Edson Lafortune

Ann al avè m tanpri... tankou de timoun fwonte
~ Fred Edson Lafortune | rekèy poèm Ann al Lazil

Frisner Augustin

bat tanbou nan bann rara, bat tanbou anba peristil... Yo pi bon pou mwen paske se yo menm ki rasin nan
 ~  Frisner Augustin 

Georges Muller Régis

Kilti nou se nanm nou. Si yon jou li rive disparèt, nou pral disparèt ak li tou
 ~  Georges Muller Régis (Chay Nanm)

Hudler Joseph

Kadanse nou anrichi lakilti
 ~  Hudler Joseph

Janjan Dezire

tan ki pa tan make move tan
Si ou pran tan pou ou pare bon tan
Anvan lontan w'ap nan fè tan kite tan
~  Janjan Dezire 

Si nèg ki pa konnen te konnen jan sa bon lè'w konnen Pase y'ap charonyen nèg ki konnen pou sa yo konnen Yo ta pito chèche konnen sa nèg ki konnen konnen 
~  Janjan Dezire 

Jean-Claude Martineau (koralen)

Menm jan pye joumou pa donnen kalbas, laparès pa donnen laviktwa 
 ~  Jean-Claude Martineau (Koralen) nan Flè dizè 

Jeanguy Saintus Riché

Atizay se mouvans, yon enèji fre ak flanm ki ka rejenere fi ak gason pou pèmèt zèt yo rejwenn lòt nivo 
 ~  Jeanguy Saintus Riché 

Jocelyne Beroard

Mwen dakò ba servolan fil, pou'y pé monté...
Dansé anlè zétwal, é volé...
 ~  Jocelyne Beroard (Chante |Sa Ki Tala)

...Lè mizik-la ka déboulé Sé apiyé pou nou alé...
 ~  Jocelyne Beroard (chante|Kaye Manman)

...maré rin w pou roulé...      
~  Jocelyne Beroard (chante |Présé)

Kassav

Tanbou-a Tanbou peyi-a kongné Fè mwen vibre Son a'w la, se son-a ka mennen mwen...
~  Kassav (chante | Mwen Vire)

Katia D. Ulysse

Sa ki konn danse, kanpe sou pwent zòtey ou
vire sou talon-w
voye kongo monte...  
 ~  Katia D. Ulysse (SI GEN TRAVAY) 

Keslèbrezo

Ou menm fanm... derivaj kò ou lemante vegle tout je
 ~  Keslèbrezo (Parantèz)     

Les danseuses de Port-au-Prince

...Danse Sa ban nou kouray... sa ban nou fòs, sa fè nou byen... 
 ~  Les danseuses de Port-au-Prince

Lody Auguste

Lwa Sonia fenk kare ap danse nan tèt chak grenn ayisyen k'ap bouske dwa lavi  
 ~ Lody Auguste, (OMAJ POU SONIA PIERRE)

Lyonel Trouillot

Ti pye zoranj Monte Monte Jouk ou al grate Zòtèy Bondye
 ~  Lyonel Trouillot 

Manno Ejèn

Dlo nan je nou souri
     Kè mare nou chante
          Vant grangou nou danse 
 ~  Manno Ejèn EKZILTIK (Lakansyèl)

...konbit gaye raboday bouyi
Rara rasanble 
Sou bit lespwa k'ap desann... 
 ~  Manno Ejèn nan EKZILTIK 

Mari Flò Domon

...tanbou ki rele tanbou tout bon. Enstriman ki ka p fè venteyen nasyon lafrik ginen danse nan tèt laviron dede...
 ~  Mari Flò Domon (Fòs pasyon-m ap debat Pou li rale ou anba tè)

Max Diakok

An vérité
Menm jan tini moun a lidé dékalbandé
Tini moun ka fè lidé vansé alavandé
Ka fè bel lidé dansé alavandé
Ka fè touplen bel lidé dansé alavandé
Anba kawbé a syel a Bondyé
Tini moun ki la pou fè nou gouté
Siwo a on douvanjou matrité
Toujou kouté-yo...  
 ~  Max Diakok (Moun a set soley |Potomitan)

Mètrèsdlo

Anverite, se pa ti bèl non, li ta bèl, si youn jou pitit, pitit-pitit, pitit-pitit-pitit poul kayèt ansanm avèk kòk zètòk, ak tout lòt kòk ak poul nan poulaye a, ta ka ouvè zèl yo byen laj, epi tonbe laye kongo douvan je malfini 
 ~ Mètrèsdlo nan SI KÈ TI POUL KONTAN LI KA FÈ DAN TOU (KREYÒL KLERE LWEN - Bilten Koukouy, Jen 1995, No 8)

Michel-Ange Hyppolite (kaptenn koukourouj)

Lè fanm ap goumen kòtakòt ak gason, bab pou bab ak ranyon dife. Lè fanm pran sèt so anvan l'di alatraka, fò ou konnen konbyen kalfou jipon-l janbe, konbyen flanm li travèse anvan bonèt li chavire
 ~  Michel-Ange Hyppolite (kaptenn koukourouj) nan Zile Nou

Nèg... aksepte manje lekzil tan pou li rantre nan danse kole ak okipasyon degize
 ~  Michel-Ange Hyppolite (kaptenn koukourouj) - OMAJ POU PÒL LARAK (Paul Laraque)

Michel DeGraff

...se pawòl nou ki mare nou ansanm...
 ~  Michel DeGraff

Mi Mes Manmay Matinik (AM4)

Bèlè, se tout gran la vi me osi la toulejou: ki ledi lajwa, travay, lapenn, konba, lanmou... tou sa ka fè koulè lavi-a
~   Mi Mes Manmay Matinik (AM4)

Patrick Sylvain

"Tanbou nago woule nan san m pou reveye Ogou" ~ Patrick Sylvain | Pawòl kadanse kilti karayib

Chak jou gen bal-maske Se rafal bal k'ap keyi espwa...
 ~  Patrick Sylvain (NOU NAN DLO |Tanbou) 

...Depi m' pale tanbou frape
         tout venn mwen ponpe
             tankou yo tchovi ki wè ak sen manman l'
 ~  Patrick Sylvain, KÒD LONBRIK L'AFRIK nan rekèy ZANSÈT

Konbyen fwa ou fè rèv... Èzili k'ap danse anba peristil...
 ~  Patrick Sylvain (TOKAY | Tanbou)

Mwen anvi dezabiye rèv mwen anba zésèl syèl ble pou lespri m' danse...
 ~  Patrick Sylvain (Dekwafe Moral | Tanbou)

Mwen imagine ou k'ap danse tankou yon papiyon...
nou jwe mizik jouk enstriman n' mande repo
 ~  Patrick Sylvain (PWEZI ANVI | Tanbou)

...Se konsa mwen danse Ibo
         chak branch cheve m' se yon kout tanbou
pa griyen dan ou ban mwen
             chache konnen Lafrik
            verite a se sou tanbou li kouche 
 ~ Patrick Sylvain, KÒD LONBRIK L'AFRIK nan rekèy ZANSÈT

Tanbou Nago roule nan san'm pou reveye Ogou
 ~  Patrick Sylvain (Metafò Dezespwa | Tanbou)

Patrick Wilbert Lafrance

Ak yon son maji ki bay ren plezi
Yon tanbou byenakòde Mete dife nan janm tout kokobe...
non m pap... non m pap poum da pap...tibidip bidip...poulou non m pap...
 ~  Patrick Wilbert Lafrance (EKZANFÒ)

Pearl Primus

Rit kadanse nou se pwofesè mwen, ak pasyans depi toujou, li montre mwen diyite, bèlte ak fòs ki genyen nan eritay kiltirèl pèp mwen tankou yon pati esansyèl nan bèl eritay tout limanite
 ~  Pearl Primus  | MY STATEMENT  (accelerated motion dance history)

Mwen pa danse pou amizman, mwen danse pou ede moun pi byen konprann youn ak lòt paske nan danse mwen jwenn lajwa libète 
 ~ Pearl Primus | antwopolojis, dansè, pyonè

Pol Larak (Paul Laraque)

Lakansyel... se lapè kap pouse do lagè
Pou tout nèg bat tanbou Chante loa ak danse vodou
Son gro koumbit pou rache mizè
Yon koumbit kanmarad tout koulè
 ~  Pòl Larak (Paul Laraque) nan Fistibal

Larenn solèy leve... pou'n sa kanpe
Pou kò nou li pote chalè
Pou lespri'n li pote limyè   
~  Pòl Larak (Paul Laraque) Sòlda Mawon

Ouap kouri ak lapli
Chak pa ou fè
Kaj la louvri...
pa pè mache mache ou...
Lò lapli va rete solèy leve
 ~  Pòl Larak (Paul Laraque) nan Fistibal

Tanbou loraj ap gwonde Tout nèg mawon kanpe Tout fanm vanyan ap danse Tanbou sila-a... se tanbou libète
 ~  Pòl Larak (Paul Laraque) nan TANBOU  LIBÉTE

Pwovèb kreyol

Ak pasyans, n ap rive jwenn tete foumi

Anvan ou ri moun bwete gade jan ou mache

Apre dans tanbou lou

Baton ede pye

Bay kou bliye, pote mak sonje  

Byen pre pa lakay

chay ou paka pote ou mete-l atè byen dousman

Konesans se richès

Fè zanmi ak kouto anvan zabriko mi

Fòk ou pèdi tan pou'w gen tan

Jan tanbou-la ka bat, jan pou ou dansé
~  Pwovèb kreyòl nan VOLCREOLE (LaFilleduNord)

Komansman chante se soufle

Lajan fè chen danse

Lawouse fè banda toutan solèy pa leve 

Mwen byen sangle, mwen pap foule

Mezire anvan ou koupe

Nanpwen cho ki pa vin frèt

Ou konn sa w'ap kite; ou pa konn sa ou pral jwenn

Pil ti pil fè chaj

Se kouto sèl ki konnen sa ki nan kè yanm

Se mèt kò ki veye kò

Si'm te konnen toujou dèyè

Si bòt la twò jis pou ou, mache pye atè

Souke tèt pa kase kou

Tan ale, li pa tounen 

Tanbou bat nan raje, men se lakay li vin danse

Tanbou prete pa janm fè bon dans

Tchenbe rèd pa moli ! ...se moli-a ki rèd ! 
 ~  Pwovèb kreyòl 

Ti kouri, kenbe tete; gwo kouri, lage tete

Ti pwason swiv kouran
 ~  Pwovèb Kreyòl (Aochan Kreyòl 1:40) 

Toujou gen retay kay tayè

Tout bèt jennen mòde

Tout moun se moun, tout moun pa menm

Tout sa ou pa konnen pi gran pase ou

Twò vit pa rive

Twò prese pa fè jou louvri

Verite sou tanbou
 ~  pwovèb kreyol (Video pawòl Bayyinah Bello sou Dessalines 0:01)

Wè jodi-a men sonje demen

Wòch nan dlo pa konn doulè wòch nan solèy

youn pa nago, youn pa kita  
 ~  pwovèb kreyol

Pyè Banbou (Dr. Ernst Mirville)

tout bouch ap bat
tout bra kwaze
barik mayi a rete la
 ~  Pyè Banbou (Dr. Ernst Mirville) (LISTWA PWEZI KREYÒL AYITI : Rechèch, 1979)

Rayomd A. Moise

Pou Ayiti Peyi Zansèt yo
Se pou n mache
Men nan lamen
Nan mitan n pa fèt pou gen trèt
Nou fèt pou n sèl mèt tèt nou... 
 ~  Raymond A. Moise (Tradiksyon kreyòl Im nasyonal Ayiti) -  Pawòl: Justin Lhérisson  

Serge Madhère

Ou konn se ne pa ne yon bèl gòl kann pouse
~  Serge Madhère, Donnen Mèvèy (Listwa pwezi kreyòl p. 173)

Pa blye, solèy la malgre li konn wout la, sa pran'l tout yon jounen pou'l rive janbe syèl
~  Serge Madhère, Piti piti plen kay (Listwa pwezi kreyòl p. 42)

Soft

...Kadans a péyi-la...
Sé li ka chayé mwen Woy
Sé sa ka brilé mwen 
Sé li ka ay menné nou pli wo...
Tam pi tam tam pi tam tanbou ké woulé...
 ~  SOFT (chante |Kadans a peyi la)



Entèpretasyon Kadans a peyi la; mizik SOFT ki kesyonnen kadanse nou tout bon sou tanbou nou.

Sophia Fécu

Ou renmen m'? Ayibobo pou ou. Ou pa renmen m'? Ayibobo pou ou tou.
 ~  Sophia Fécu (Entèview Le Point - 16:05)

Suze Baron

...lò mizik la fini, figi Yaya, w'a di oun fanm ki fèk fin fè lanmou
 ~  Suze Baron (Tanbou-a pale)

tanbou-a pale Ti-Roro fè tanbou-a pale Nòt yo leve yo mache...
 ~  Suze Baron (tanbou-a pale|Potomitan)

Ti Selès (Wilfrid Celeste)

Ban mwen tanbou la se tanbou la mwen enme
      Lèw wè an ka dòmi, se tanbou la an ka reve
           Alò jwe tanbou ban mwen pou mwen danse 
~ Wilfrid Celeste alias Ti Selès nan TESTAMAN - KALADJA

Turenne ° Tilarenn

Kadanse mwen kenbe m fèm ak fòs enèji konsyans chak mouvman, fondas natirèl mwen epi kè ti-kat-kat mwen.

Koute chante w epi kadanse nanm ou

Latè, celil nou, mouvman nou, refèt alenfini. Nou ka fè ansyen toujou nèf lè kè nou toujou jèn.

Libere lespri w, libere nanm ou

Mwen kite limit kò fizik mwen pou mwen kontre ak verite fondas nanm mwen

Nou se souf lavi lè nou kadanse nanm louvri

Nou bezwen danse lavi absoliman pou nou kanpe ak ekilib epi amoni alawonnbadè

Nou gen pouvwa pou nou transfòme tout reyalite ak pozisyon lespri nou, fòs mantal nou epi enèji kreatif nou k ap aji

Pasyon danse pèmèt mwen rejwenn lonbrit rasin mwen

Se kadanse nou ki fè kè nou bat...
~   Turenne ° Tilarenn 

Pawòl kadanse nou ofri nou bon jan elan

Pawòl kadanse nou bay nati elemantal enèji lavi.

Sajès pawòl kadanse nou montre nou tout maji konsyans mouvman nou epi ede nou nan balanse chakra nou.

Entegre esans fondamantal lanmou ak sajès chak mo.


*
♥ Lyen yo rale referans nan lang kreyòl osnon nan lang ki pi aksesib lè nou pa jwenn kreyòl la

prezans total nou depase rèv nou alenfini | pleine présence au bout de nos rêves à l'infini | mindful presence beyond our wildest dreams to infinity
Nou se Youn pou nou soutni youn lòt solid!

ONÈ ! Mwen se Turenne / Tilarenn ! Nou nan pataj sou byennèt inivèsèl ak lafòm total entegral. Nou jwenn yo sou kadans pwisans konsyans mouvman nou ak swen tèt nou pou konkèt tèt nou. Nou kadanse lanmou, lajwa prezans total nou pou ekilib epi amoni alawonnbadè.

Nou se youn ak kadans latè, linivè epi lenfini.
Tout bagay kadanse paske lavi se kadans. Kadans se mouvman. Mouvman se lavi. Prezans total nou se sous ekilib ak amoni depase tan sou kadans pwisans konsyans mouvman nou.

Fokis Enèji lavi mwen pou nou: kadanse Lanmou ak Respè alenfini.

Onè Legba; Onè Zansèt nou yo;

Nou louvri pòt. Nou ede nou mete tout baryè atè. Nou ede nou kreye kannal kominikasyon lib. Nou ede nou bay kominote nou otonomi pou nou toujou grandi ak pasyon epi kreyativite pou nou fè epi refè ekilib lavi a.

Nou ede nou soutni epi enspire kominote moun ki toujou kanpe djanm pou nou kadanse ekilib ak amoni alawonnbadè.

Nou ede nou pou nou toujou edike tèt nou pou nou vibre ak prezans total nou sou kadans konsyans mouvman nou. Nou ede nou soutni kominote nou nan respekte esans pwisans swen tèt nou pou konkèt tèt nou. Nou ede nou pou nou toujou konpayon ki merite konfyans tout moun nan lidèchip pou nou kenbe angajman nou djanm.

Nou ede nou libere tèt nou pou nou pa janm pè. Nou ede nou vwayaje kè kontan pi bon kote pou nou aprann jwenn toujou plis ekilib ak amoni nan tout bagay.

Nou ede nou louvri chemen pou pitit fi ak pitit gason nou yo byen nan kè, kò, tèt, lespri ak nanm. Konsa n ap jwi richès lavi a ak entegrite epi kite eritaj lespri lanmou ak abondans pou tout jenerasyon.




Kòmantè! Commentaires! Comments!

 Pataje lide w.../   Partage tes pensées.../   Share your thoughts.../