kadans konkèt tèt nou nan lajwa pwisans mouvman ak konsyans
Tout bagay file sou kadans paske lavi se kadans. Kadans se mouvman. Mouvman se lavi. Mouvman ak konsyans se sous ekilib ak amoni total global depase tan nan lajwa konkèt pwòp tèt nou

° 5 moman majik konsyans total

Infinité au bout de nos rêves et au-delà pour mieux danser sa vie | Infinity beyond our top potential wildest dreams to fully dance life | pase rive jwenn tete foumi rèv nou pou nou toujou danse lavi

Nou se Yonn

Akèy  >  Entwodiksyon: Lespri Nanm Kadans  >  Ki Moun Mwen Ye  >  Nou se Yonn


Nou se Yonn pou nou bay yonn lòt limyè nou!

Nou reflete sou yonn ak lòt tankou miwa Pye Bwa Lavi a, andan tankou deyò. Nan miwa Pye  Bwa Lavi a, mwen se oumenn epi tout moun epi tout bagay. Mwen se oumenm epi tout moun ki vin konekte avè nou sou paj sa a ak tout paj ki fè lyen avè l.


Eske w kwè nan abondans atravè kreyativite, entegrite epi lanmou avèk ekilib nan amoni mouvman ak konsyans, konpreyansyon pwofondè pwòp tèt nou, respè nan rapò nou yonn ak lòt epi kilti byennèt kò, nanm ak lespri nou?


Se konsa mwen wè aklè, mwen menm avè w, chak jou ak plis fòs. Nou viv, n ap vini epi n ap rete modle ak sa nou panse. Se yon lwa fondamantal lanati. 


Chak ti mòso pataj, se yon eleman kle nan fondas pye bwa lavi nou k ap fleri oubyen yon pousyè zetwal k ap klere chemen an pi plis toujou.


Nou kapab kreye lakou byennèt ak richès total entegral pou tout jenerasyon, kare pou nou tout byen danse lavi a.


Si w konprann li byen, kadans danse kenbe pouvwa revolisyon sosyal, ekonomik, kiltirèl, politik epi espirityèl.



Danse lavi sou kadans verite nanm ou


Tout sa nou bezwen tou pre anndan nou pou nou kenbe boulon ti katkat nou epi kreye lakou byennèt ak richès total entegral avèk bèl sous enèji vital mouvman ak konsyans, tankou kadans pami zòt, swen ki nouri jis nan nannan epi kreyativite lib.


Pa di m twò seryèz! Nou nan senplisite tout sa ki otantik epi ki mande zorèy atantif k ap koute ak kè leje epi kè sensè.


prann, appresye, entegre


Nou se yonn lè nou pran, apresye epi entegre kadans kòm sous enspirasyon pou enèji vital nou toujou vibre ak tout fòs li, sou baz byenfè ki fizik, sosyal, emosyonèl epi espirityèl avèk entegrasyon valè ekonomik ki djanm pou tout jenerayon.


Nou bezwen danse lavi absoliman pou nou kanpe ak ekilib epi amoni alawonnbadè.


Nou se Yonn pou nou bay yonn lòt limyè nou


Aksyon nou nan mouvman ak konsyans pote limyè pou tèt nou k ap klere lwen. Pye bwa lavi a, anndan tankou deyò, ap fleri sou aksyon sa yo tandike n ap pran rasin pi byen. 


Nou se yonn pou nou reklame byenfè danse ki se sous enspirasyon nan chemen ki pa toujou deja trase.


Atelye sou richès kadans tradisyonèl nan lemonn aktyèlman nan wout. Atelye yo koresponn ak engajman nou ki se viv ak ekilib epi amoni depase tan an, alawonnbadè, pou nou kare pi byen pou nou danse lavi.


Nou gen 20 ane nan kouti, n ap bati fondasyon bèl konpayi solidarite entènasyonal, Lakou Sivilizasyon Sakre Nou Sou Kadans Lavi, ak valè ki ankre nan respè tout kilti, fondas yo epi environman yo.


Nou asosye tou ak Usana Health Sciences*/** pou ogmante konesans ak konsyans sou kesyon lasante nan jounen jodi a. Nou afilye ak SiteSell* pou sistèm entegre sanparèy li ki asire siksè nan biznis entènèt.


Nou se yonn pou nou danse lavi, fè nanm nou vibre nan tout aspè lavi a pou chalè chak moman chaje ak kreyativite mouvman ak konsyans epi pasyon, ekilib ak amoni alawonnbadè.


Annou kreye lakou byennèt ak richès total entegral, yon moun alafwa... Jwèt timoun chaje ak lanmou !


Kijan pou nou kreye lakou byennèt ak richès total entegral ?

  1. Itilize fòs byenfè kadans nan mouvman ak konsyans pou tabli baz ak kè yon fondasyon byennèt kò, nanm ak lespri ki solid, depase tan an.

  2. Reyalize, sa ki toujou nan lespri w, se sa w ye epi se konsa w ap evolye.

  3. Manbre kouraj ou pou w  pran opòtinite ak entegrite epi bati lidèchip ak bon jan ekzanp.


  • Tankou siwo rale myèl, yon menm vibrasyon pou rale nou tout.

     Vibrasyon sila a, se lanmidon lakòl pou kenbe nou ansanm djanm, solidè, nan tout sa n ap fè.

     Vibrasyon sila a, layite nan tout kè nou, anndan nannan nou, nan fon zantray nou.

     Vibrasyon sila a, se fòs pou nou sanble kouray nan menm dyakout, kole zepòl pou kreye, vanse, pwogrese, fè reyònnen, manifeste tout fòs loray ak sajès zansèt, bèlte, enèji, ki lakay, nan zantray nou.

     Vibrasyon sila a, se pou nou pataje, soulve yonn lòt, li pa dwe ret antere, gaspiye...


Nou se souf lavi lè nou pran danse nanm louvri...


Communication / Contact / Kontak

* All fields followed by an asterisk must be filled in....
** Tous les champs suivi d'un asterix doivent être remplis....
***Ou dwe antre enfòmasyon nan chak kaz ki gen yon asterix...

*Please enter the word that you see below...
**Copiez le mot ci-dessous...
***kopye mo ki anba la...

  


* an anglè
** an fransè


Nou se yonn sou kadans ekilib epi amoni revolisyon konkèt tèt nou
Tout bagay file sou kadans paske lavi se kadans. Kadans se mouvman. Mouvman se lavi. Mouvman ak konsyans se sous ekilib ak amoni total depase tan nan lajwa konkèt pwòp tèt nou

ONÈ ! Mwen se Turenne / Tilarenn ! Nou nan pataj, pou byennèt inivèsèl ak lafòm total kapital nou ki se revolisyon mouvman ak konsyans pou ekilib ak amoni sou kadans lajwa konkèt tèt nou.


Nan chak tèks, pran fòs énèji vital ak kreyativite ki fè nou vibre sou kadans rejwisans danse lavi nou.

VIZYON : LAKOU SAKRE SIVILIZASYON NOU

° Eske w deja pran 5 moman majik ou?

Infinité au bout de nos rêves et au-delà pour mieux danser sa vie | Infinity beyond our top potential wildest dreams to fully dance life | pase rive jwenn tete foumi rèv nou pou nou toujou danse lavi




Commentaires !   Comments!  Kòmantè!

Partage tes pensées...  Have your say...  Pataje lide ou...