kadans konkèt tèt nou nan lajwa pwisans mouvman ak konsyans
Tout bagay file sou kadans paske lavi se kadans. Kadans se mouvman. Mouvman se lavi. Mouvman ak konsyans se sous ekilib ak amoni total global depase tan nan lajwa konkèt pwòp tèt nou

° 5 moman majik konsyans total

Infinité au bout de nos rêves et au-delà pour mieux danser sa vie | Infinity beyond our top potential wildest dreams to fully dance life | pase rive jwenn tete foumi rèv nou pou nou toujou danse lavi

Gadyen lakou sakre sivilizasyon nou nan jounen jodi a...

 Akèy  >  Entwodiksyon : Lespri Nanm Kadans  >  Lakou Sakre


Nou tout pote anndan nou esans lakou sakre sivilizasyon ke nou se desandan yo. Yon fòs elemantal. Fòs elemantal paske se sous, se souch, se rasin nou.

Konsyans sa fondamantal pou retabli ekilib ak amoni ki konpwomèt nan lawonn limanite.


Jan mwen koute konsyans sa a vin louvri lespri m, sa gen plis pase 20 lane, pou m travay sou reyònman nosyon Lakou sa a pou relye chak grenn moun ak esans sakre nanm limanite.

Sete nan epok la yon evidans.  Jodi a, se yon egzijans ki pran rasin nan nannan nanm mwen.

Bezwen nan tan an te pou pwouve egzistans mwen ki gen souch li nan gran sivilizasyon pwogresis ki se eritaj filyasyon m ak zansèt yo. 

Konviksyon jodi a, se ke tout moun dwe rekonèt fòs esans zansèt yo ki depase tan, epi ki toujou la, nan mezi nou pare.

Sivilizasyon endijèn, kemèt / nibyen epi karayib, kenbe anndan yo esans lawonn lakou sakre limante, yon flanm ki pa janm pare pou l tenyen.

Mete limyè sou yo epi bay kilti sa yo reyònman se favorize pran konsyans tout moun ke...

lè nou sezi flanm sa a, apresye li, fè kò ak li avèk respè epi entegrite, l ap asire ekilib ak amoni nan tout sa n ap viv, pou tèt nou epi pou tout limanite. Nou tout se gadyen esans sakre nanm limanite.

"Se Mèt Kò Ki Veye Kò" 

 ~   pwovèb kreyòl

Kote vanyans sa soti ?

Kòm mwen fèt Ayiti, mwen pote rasin endijèn, kemèt / nibyen ak karayib nan kò mwen, nan zantray mwen.

Ide reyònman Lakou Sakre Sivilizasyon Nou an vin enpoze li pandan etid lang ak atizay mwen nan Inivèsite Otawa. Alòs, mwen te plis nan bibliyotèk pase nan klas. Pou kòz...

Bèl bibliyotèk gran enstitisyon sa a te ranpli ak dokiman sou listwa atizay ak kilti endijèn, kemèt / nibyen epi karayib. Yon pakèt richès anverite.

Men kwè l, pa kwè l, pa te gen anyen nan fòmasyon inivèsite a, teyorik tankou pratik, sou istwa atizay ak kilti endijèn, kemèt / nibyen epi karayib, tankou si yo pa te gen egzistans pwòp yo.

Eta bagay sa a, te vin chèche m byen lwen; lemonn te eksprime aklè ke mwen pa genyen egzistans pwòp. Kòm nou konnen Nou se Yonn, reparasyon esansyèl.
Se konsa mwen pran desizyon pou mwen mete limyè sou limanite nan tout entegralite li. Se la aplon vanyans mwen soti.

"Yon fanm an amoni ak lespri l,
se tankou larivyè k ap desann.
Li mache kote pou l ale san pretansyon epi li rive kote l gen pou l rive
pare pou li chèfmèt tèt li san kondisyon."  

~  Maya Angelou

Eske w konnen ke nou tout se endijèn ?

Pèp endijèn simaye sou tout kontinan sou planèt la.

Tout moun gen konsyans ke yo viv anpil diskriminasyon pou mete yo ba nèt epi elimine yo. Anpil kote, sa senble yon reyisit total annaparans.

Tout moun ka wè ke andepidetou, yo rive kenbe vivan esans kilti zansèt ki se eritaj yo.

Memwa eritaj sa viv nan chak grenn moun.

"Moun ki pa ka renouvle nesans li ap pare lanmò li"

 ~   Bob Dylan

Esans nanm Lakou Sakre Sivilizasyon nou

Konsèp Lakou sa a se yon rechèch aksyon ki gen pou baz revandikasyon entegrite listwa limanite. Entegrite sa a, nou ka rekonèt li nan fon zantray zèt nou. Entegrite sa a vin reveye konsyans nou ke nou nan malè paske nou pa konn danse lavi.

Pwojè pou montre ke tout bon, nou nan malè paske nou pa konn danse lavi, ap pran fòm sou non Lakou Sakre Sivilizasyon Nou Sou Kadans Lavi.


Pwojè sa a se 
kote eritaj konesans zansèt yo pran plas dofis, nan pozisyon pou sèvi, fè pwomosyon epi difize rasin sajès zansèt yo, anpatikilye nan atizay kilti endijèn, kemèt / nibyen epi karayib.

Pwojè sa a nan anfans li. Estrikti pwojè a ap swiv fòm sa a:

  • sant pou biznis, sant pou rechèch epi konplèks imobilye rezidansyèl pou ankouraje echanj lakonesans eritaj sansib nou

  • estrikti pou echanj lokal ak entènasyonal k ap ankouraje difizyon eritaj sansib nou

  • bibliyotèk entènasyonal ak boutik ekitab

  • klas kadans ak pèfòmans epi atelye tematik sou byennèt atravè mouvman ak konsyans

  • teyat ak estidyo pou echanj atistik, kiltirèl epi lokasyon

  • modèl biznis pwogresis tankou modèl jenerozite **Daana a

  • Konpayi atizay kadans danse an rezidans pèmanan

Kadans World Dance Spirit Danses Artivist Mouvman, louvri pòt sou nannan esans vizyon Lakou Sakre Sivilizasyon Nou Sou Kadans Lavi.

Prensip Lakou Sakre Nan Lemonn

Ayiti : 12 Prensip Bwa Kayiman


Tanbou rada gen yon son pou-l ba-w Lè kè nèg isit kontan vre pitit

      ~  Feliks Moriso-Lewa (Dyakout) 


** an fransè

Nou se yonn sou kadans ekilib epi amoni revolisyon konkèt tèt nou
Tout bagay file sou kadans paske lavi se kadans. Kadans se mouvman. Mouvman se lavi. Mouvman ak konsyans se sous ekilib ak amoni total depase tan nan lajwa konkèt pwòp tèt nou

ONÈ ! Mwen se Turenne / Tilarenn ! Nou nan pataj, pou byennèt inivèsèl ak lafòm total kapital nou ki se revolisyon mouvman ak konsyans pou ekilib ak amoni sou kadans lajwa konkèt tèt nou.


Nan chak tèks, pran fòs énèji vital ak kreyativite ki fè nou vibre sou kadans rejwisans danse lavi nou.

VIZYON : LAKOU SAKRE SIVILIZASYON NOU

° Eske w deja pran 5 moman majik ou?

Infinité au bout de nos rêves et au-delà pour mieux danser sa vie | Infinity beyond our top potential wildest dreams to fully dance life | pase rive jwenn tete foumi rèv nou pou nou toujou danse lavi




Commentaires !   Comments!  Kòmantè!

Partage tes pensées...  Have your say...  Pataje lide ou...