Danse tradisyon  
   nan tan sou 
tan...

 Akèy  >  Entwodiksyon : Nanm Kadans  >  Danse Tradisyon




Richès danse tradisyon simaye sou tout planèt la, nan fason inik chak pèp, depi sou rit seremoni pou rive nan rit popilè, fòlklò ak pwofesyon danse.

Se yon fason ekstraòdinè pou nou vwayaje nan lemonn, pou nou dekouvri trezò rit chak kilti epi viv lajwa fondas nanm kadans nou, depase tan, an amoni ak chak pèp.



Dans pèp aborijèn, Tahiti | https://www.pinterest.com/artpreneure/native-aboriginal-culture-aborigene/

Depi nan rit kadans Aborijèn, Karayib,
Amerik disid, 
rive nan rit Afriken,
Aziatik, Endyen
epi Ewòp,
Mediterane, Mwayen-Oryan...

Dans pèp Lapèrs / Persian dance |https://www.pinterest.com/artpreneure/middle-east-culture-moyen-orient/

Nenpòt ki kote w gen santiman pou w ale, pran tou le 7 sans ou avè w, byen pare pou w plonje nan nanm rit kadans, langaj Bondye ki montre fondas natirèl kominikasyon ki toujou vre, aklè.

Sa se verite tout bon...  Ou gen pou viv nan lajwa depase tan!

Eske ou remake kijan mo kadans lan inivèsèl epi gen mizik?

Danse natirèlman pote enèji mouvman ak konsyans epi bay yon regà senp sajès lavi sou konpleksite tout sitiyasyon, kit se nenpòt kichoy, detent ou bagay serye...

...tankou kadans manje, kadans lanmou, kadans biznis...

Soti kote Lès ale nan Lwès, rive nan Sid epi nan Nò sou latè, kadans deploye nèt isit la pou nou pran bèl plezi sou danse tradisyon nan lemonn avèk tout valè tan lontan epi jodi-a ak defi yo nan modènite, atravè rasin danse sanzèt yo.

Men kèk ekzanp kote n ap vwayaje nan lemonn, ak yon ti jòf sou sa ki fè nanm kadans yo inik.


Rit kadans Ayiti nan Karayib

Tradisyon dans pèp Ayiti Toma, film de Joseph Hillel, Ayiti Kilti  |  https://www.pinterest.com/artpreneure/haiti-culture-ayiti-kilti/

Kilti ak danse tradisyon Ayiti, se yon plaj dekouvèt rit ki soti nan rasin vodou ak sous aborijèn epi ki kenbe tout fòs ak enèji espirityèl li.


Enflyans lemonn modèn vin bay yon fòlklò ki enspire de mouvman rasin yo.




Dans pèp, Jalisco, Mexico | https://www.pinterest.com/artpreneure/south-america-culture-amerique-du-sud/

Rit kadans Mexico nan Amerik 

Dans pèp, Dia de Los Muertos | https://www.pinterest.com/artpreneure/south-america-culture-amerique-du-sud/

Pratik danse nan relijyon kay endijèn Aztek sete kadans pou tout pèp la eksprime sik lavi epi kadans moun klas elit.

Kadans klas elit yo, diyitè relijyon ak dirijan pèp yo, vin elimine nèt.

Kadans pèp yo kenbe fòs, vin depase sik lavi pou yo eksprime reyalite sosyal tout kote nan Mexico, avèk enfliyans Ewòp epi eritaj Lafrik.

Kadans pèp yo vin pran plas nan kilti mondyal sou bannyè pwofesyon danse ak anpatikilye gwoup Ballet Folklórico de México ki se yon anblèm inik.




ti balerin ki pare pou danse balè / Ballerina / Bailarina / Балерина / Ballet | https://www.pinterest.com/artpreneure/russia-culture-russie/

Rit kadans Larisi nan kilti Slav

Dans pèp Larisi /Dance ensemble Elbrus - Karachay | https://www.pinterest.com/artpreneure/russia-culture-russie/

Balè nan kilti Larisi se yon synbòl mondyal devlopman iltim nan pwofesyon danse.

Epi tou, kadans peyi entegre nan kilti Larisi depi premye jou timoun lekòl.

Mizik ak kadans pèp gen rasin solid. Se nan fòs enflyans tradisyon an menm, sou plisyè syèk, ke Larisi pran merit tout ekselans l ap voye monte nan mizik klasik, opera, teyat ak Balè.



Rit kadans Almay nan Ewòp

Dans pèp Almay | https://www.pinterest.com/artpreneure/european-culture-europe/

Mizik ak kadans nan kilti Almay toujou prezan nan festival epi koutim sik lavi. Konsa tou, kadans pèp Almay viv ak fòs nan peyi vwazen tankou Otrich, Ongri epi Danib.

Kadans pèp Almay se nanm pwofesyon danse tankou valz Vièn, danse teyat epi kadans modèn.

Tout moun rekonèt ke anpil atis ki aktive chanjman mondyal enpòtan ki fèt nan pwofesyon danse, soti nan kilti Almay.


Kadans danse tradisyon depi tout tan


Mizik ak kadans, se pratik ki fèt depi tout tan.

Andepi de tout kwayans sou orijin danse, nou pran sans li tout bon nan nanm kadans, atravè sa ki parey epi ki pa menm nan tout kilti sou latè.

Symbioz rit ak kadans toujou genyen avèk kote li pratike, fè tan rete, pou...

nou plonje nan mèvèy byennèt lajwa ki nan fondas nanm nou







Have your say... Partagez votre pensée... Pataje komantè ou...